人到與禮到
不知道只是我咁唔好彩常常遇到以下事情，還是早已經變成全球人類所面對的共同問題──你有沒有發覺，近幾年多了很多扭扭擰擰的壽星仔壽星女，晨咁早問定佢今年想正日慶祝還是預早一兩日食飯，總是得到「唔知呀/你話啦/今年都未決定搞唔搞/我未知邊日最好，遲啲覆你」，三催四請十問九唔應之後，你以為他今年棄權，想靜靜地過或者睇相話唔慶祝得，誰知道手機上畫面中突然又出現通知：「聽晚 8點， XX餐廳梁小姐 10位。」
於是你大驚失色裙拉褲甩，一放工即刻撲出銅鑼灣撲禮物，諗唔到買乜嘢都起碼訂個 cake吧……有時我會突然醒來，問自己：「擔驚受怕周身大汗到底為乜？」
將心比己，如果牛一的是我，請帖發了出去，「人到」比「禮到」重要，與其收到你（好明顯為送而送）的香水領呔相機電話，不如見到你心情大好扮到靚靚出現在我面前，畀我攬一下。
回到那個在百貨公司 9樓諗緊「唔知咖啡壺佢有未呢？」的情景，一念及上述的「將心比己」，便情願打道回府，揀定套靚衫聽晚着，務求令你的生日派對充滿靚人靚景。
禮物，不一定要實物吧，如果請你睇場帶不走的演唱會可以是禮物，請你去馬爾代夫曬點帶不走的陽光也可以是禮物，那麼，特地為你恤個髮化個妝揀套從未曝光的新衫「畀你睇」，為甚麼不可以是禮物？
尤其是真係諗唔到買乜嘢畀你先開心的時候。
「喂， Calvin，生日快樂，我就是你的生日禮物！」
於是你大驚失色裙拉褲甩，一放工即刻撲出銅鑼灣撲禮物，諗唔到買乜嘢都起碼訂個 cake吧……有時我會突然醒來，問自己：「擔驚受怕周身大汗到底為乜？」
將心比己，如果牛一的是我，請帖發了出去，「人到」比「禮到」重要，與其收到你（好明顯為送而送）的香水領呔相機電話，不如見到你心情大好扮到靚靚出現在我面前，畀我攬一下。
回到那個在百貨公司 9樓諗緊「唔知咖啡壺佢有未呢？」的情景，一念及上述的「將心比己」，便情願打道回府，揀定套靚衫聽晚着，務求令你的生日派對充滿靚人靚景。
禮物，不一定要實物吧，如果請你睇場帶不走的演唱會可以是禮物，請你去馬爾代夫曬點帶不走的陽光也可以是禮物，那麼，特地為你恤個髮化個妝揀套從未曝光的新衫「畀你睇」，為甚麼不可以是禮物？
尤其是真係諗唔到買乜嘢畀你先開心的時候。
「喂， Calvin，生日快樂，我就是你的生日禮物！」
造型計算機
喂，你估為你精心打扮唔使本！借用「高鐵計算機」的小小概念，我同你計一計「送個 look畀你」，成本若干。
【開支 1：飲衫】起碼要和平日穿的不同才予人「飲衫」的感覺吧？起碼要看起來「有點貴」的衣服才夠尊重場合吧？那麼男的起碼一套西裝女的起碼一些閃的多手工的貴衣料的才像樣啦。因此「飲衫」的成本也不會平得去邊，而且「飲衫」是樣很奇怪的東西，大家平民百姓， casual wear的重重複複來去幾件是沒人怪你的，但飲衫呢，因為好少可着，而且目標觀眾來去都是那些親戚朋友，你也不想舊年阿嫲大壽，今年堂妹結婚，明年姑姐添丁，你都是着同一套衫出席吧，所以世事就是這樣唔抵的，最貴最靚的衫穿的次數總是最少的。
【開支 2：整頭】如不出街 set頭，這一筆可以 DIY慳番。
【開支 3：化妝】（包括一切儀容整理）首先化妝品可是好貴的，就算你平日有化開，不算額外開支，去 party至少也重手點或加料用些平日冇的 product，例如一些非去飲用不着的顏色或假眼睫毛之類，都係錢嚟 o架。就算你天生麗質唔使點 make up，都怕要修個甲之類吧。
【開支 4：內衣】男人還好，穿甚麼都可以是那些底衫褲（除了那些公司水運會的舊 T恤，或以前當去街衫着殘了就用來打底的兜心一個大 logo，喂大佬，明知自己件恤衫透就換番件正正經經的白底衫，唔好俾人見到你心口矇矇矓矓顯現「一方有難、八方支援」的 slogan好嗎？）；女人就煩嘞，露肩露背低 V喱士雪紡……全部都要一種特定形狀設計的 underwear配合，又使一嚿錢。
【開支 5：車錢】沒錯，扮靚扮到某種程度便不能乘便宜的公共交通工具，的士來的士往的車錢都要計在成本裏，又或者，你揸車，都要泊車費 o架。
以上這些使費，話就話豐儉由人，其實你心知「儉」得去邊吖？
所以，計起上來，為了去你的 party而特登獻出一個 look，做個「活花瓶」來令你個場「生色不少」，都算係送個厚禮畀你 o架嘞。下次話「禮物後補」時，請先看看我當日着得靚唔靚才決定我對你是否孤寒吧。
【開支 1：飲衫】起碼要和平日穿的不同才予人「飲衫」的感覺吧？起碼要看起來「有點貴」的衣服才夠尊重場合吧？那麼男的起碼一套西裝女的起碼一些閃的多手工的貴衣料的才像樣啦。因此「飲衫」的成本也不會平得去邊，而且「飲衫」是樣很奇怪的東西，大家平民百姓， casual wear的重重複複來去幾件是沒人怪你的，但飲衫呢，因為好少可着，而且目標觀眾來去都是那些親戚朋友，你也不想舊年阿嫲大壽，今年堂妹結婚，明年姑姐添丁，你都是着同一套衫出席吧，所以世事就是這樣唔抵的，最貴最靚的衫穿的次數總是最少的。
【開支 2：整頭】如不出街 set頭，這一筆可以 DIY慳番。
【開支 3：化妝】（包括一切儀容整理）首先化妝品可是好貴的，就算你平日有化開，不算額外開支，去 party至少也重手點或加料用些平日冇的 product，例如一些非去飲用不着的顏色或假眼睫毛之類，都係錢嚟 o架。就算你天生麗質唔使點 make up，都怕要修個甲之類吧。
【開支 4：內衣】男人還好，穿甚麼都可以是那些底衫褲（除了那些公司水運會的舊 T恤，或以前當去街衫着殘了就用來打底的兜心一個大 logo，喂大佬，明知自己件恤衫透就換番件正正經經的白底衫，唔好俾人見到你心口矇矇矓矓顯現「一方有難、八方支援」的 slogan好嗎？）；女人就煩嘞，露肩露背低 V喱士雪紡……全部都要一種特定形狀設計的 underwear配合，又使一嚿錢。
【開支 5：車錢】沒錯，扮靚扮到某種程度便不能乘便宜的公共交通工具，的士來的士往的車錢都要計在成本裏，又或者，你揸車，都要泊車費 o架。
以上這些使費，話就話豐儉由人，其實你心知「儉」得去邊吖？
所以，計起上來，為了去你的 party而特登獻出一個 look，做個「活花瓶」來令你個場「生色不少」，都算係送個厚禮畀你 o架嘞。下次話「禮物後補」時，請先看看我當日着得靚唔靚才決定我對你是否孤寒吧。
千里送名模
;)
對，有些時候真的不知送甚麼給你（是你喜歡的未有的而我買得起的），但又想你知道我多麼珍惜重視你，惟有揀套你會覺得養眼的衣服，如果你搞的是有 dress code的 party，出力到諗橋搵 set啜核戲服（而不是好似阿 Jenny咁戴副大眼鏡着條工人褲就話自己扮咗「小雲」，好似阿 Paul咁披件長褸咬枝牙籤又當自己扮咗「 Mark哥」），都是一種送個 look畀你當禮物的好時機。
像我這種職業的人，年中送出的 look一定多過你所有節日派的禮物和 hamper的總和。比如說去個 event，嘥一晚時間和一套靚衫是你唯一能貢獻的，如果是收費出席的工作，更要心水清地考慮一下今天這套衫的成本和心思，會不會令老闆覺得你物有所值，為場面帶來「車展女郎」或「米奇老鼠」的效果。
還有一種東西叫頒獎禮，要嗎就不出席，否則嚟得就出盡全力，表示你對大會的尊重，着到隻雀咁坐足成晚，有獎攞反而令你的扮靚變成應份，送禮的感覺還被削弱了；沒獎攞仍着到自己開個唱咁款，才凄美，不，「哀艷」更好。
人，總要明白一些道理，如果生命只給你白果，你都可以自備腐竹雞蛋冰糖和水的！
像我這種職業的人，年中送出的 look一定多過你所有節日派的禮物和 hamper的總和。比如說去個 event，嘥一晚時間和一套靚衫是你唯一能貢獻的，如果是收費出席的工作，更要心水清地考慮一下今天這套衫的成本和心思，會不會令老闆覺得你物有所值，為場面帶來「車展女郎」或「米奇老鼠」的效果。
還有一種東西叫頒獎禮，要嗎就不出席，否則嚟得就出盡全力，表示你對大會的尊重，着到隻雀咁坐足成晚，有獎攞反而令你的扮靚變成應份，送禮的感覺還被削弱了；沒獎攞仍着到自己開個唱咁款，才凄美，不，「哀艷」更好。
人，總要明白一些道理，如果生命只給你白果，你都可以自備腐竹雞蛋冰糖和水的！
本周糾察
;)
講起演唱會和頒獎禮，最近看見了幾段既無關又有關的折子戲。
1.話說前幾年容祖兒着了套老翻 Viktor& Rolf去叱咤，頗惹起一些批評，今年見她一早搭通天地線，將 10春夏的 V&R Showpiece專程借過來 1月 1號穿，我加了她兩分：知錯能改而且真正有改一分；「那裏跌低那裏爬起」的骨氣傲氣再一分。
2.如果她不改，又怎樣呢？上星期本報的專欄已發現蕭亞軒小姐個唱裏那件 Super- A貨。但震撼的程度還不及以下這個呢……
1.話說前幾年容祖兒着了套老翻 Viktor& Rolf去叱咤，頗惹起一些批評，今年見她一早搭通天地線，將 10春夏的 V&R Showpiece專程借過來 1月 1號穿，我加了她兩分：知錯能改而且真正有改一分；「那裏跌低那裏爬起」的骨氣傲氣再一分。
2.如果她不改，又怎樣呢？上星期本報的專欄已發現蕭亞軒小姐個唱裏那件 Super- A貨。但震撼的程度還不及以下這個呢……
;)
蕭亞軒（流）
;)
3.請看蕭敬騰的這一襲，又是台灣歌手又是個人演唱會（不知是否同一造型師）而且又是 Viktor & Rolf！（仲要係兩個都是姓蕭㖭！）
結論不是「希望兩位過幾年會進化成今天的容祖兒」，而是 Viktor & Rolf真的有那麼好抄嗎，為甚麼次次被剽竊的都是他們咁慘？
結論不是「希望兩位過幾年會進化成今天的容祖兒」，而是 Viktor & Rolf真的有那麼好抄嗎，為甚麼次次被剽竊的都是他們咁慘？
;)
蕭敬騰（流）
;)
Text by黃偉文
沒有留言:
發佈留言
Thank you for bringing your comment to me.